كنوز ميديا – تقرير خاص

دار هذا الحوار بين الحاج مهند العقابي مدير اعلام الحشد الشعبي وبين السيد جاسم شبر مسؤول الجهد الهندسي في كتائب جند الامام يوم الخميس ١٧ / ١١

– سيد جبتلك بشارة
* والله حجّي وجهك جاي يضحك علي مو مال بشارة من وراك

15094501_10154121711388716_4589270719411730460_n
– سيد العمليات ما بيها توقف خاف عبالك تنزل للبيت والحجي ابو مهدي يكول راح نغير مقر العمليات نصعد للمنطقة الجديدة الي حررناها تبعد ثلاث ساعات من هذا المكان

* مو كتلك وجهك مو مال بشارة بشرفك صارلي ٩٢ يوم ما نازل لاهلي اريد اشوف جهالي خلصتها افكك عبوات وسيارات مفخخة من منطقة الستميه لحد مطار تلعفر هسة بشرفك أبويه امي راح تكعد هنا


– يالله سيد انت السيد القائد ابقه هنا واني راح انزل
* عمي اني إنسان فقير لا قائد ولا هم يحزنون القادة الكاعدين ببيوتهم بغداد ويبوگون انتصاراتنا


… تبسمت له
– هسة شنو عوف السالفة وروح شوف عويلك
* لا راح اصعد اشوف المكان لجديد واشوفلكم مكان يمي للإعلام شعدنا احنه سفرة سياحية ومرتاحين ونفجر بالدواعش القذرين


– ليش ما شغلني وياك بهندسة الميدان                              

بابتسامته المعهودة اجاب* استاذ مهند هو الي يجي وياي أهله ما يردوه اني اخوي رجعت لامي بي بس بسطاله 

– الله يحفظك سيدنا
* الله معاك

” اب لسبع أبناء واخ لاثنين من الشهداء من عائلة فقيرة رحم الله من يصلي له صلاة الوحشه في هذه الليلة “

رحمه الله برحمته

شيعت هيئة الحشد الشعبي قائد هندسة الميدان في الحشد الشهيد السيد جاسم شبر الذي ارتقى خلال عمليات تحرير قضاء تلعفر.
الهيئة في بيان قالت، ان “السيد شبر استشهد خلال عمل فرق الهندسة الميدانية على تفكيك العبوات والالغام التي زرعها ارهابيو داعش في مطار تلعفر”.
واضاف، ان “الشهيد السيد جاسم شبر شارك في جميع المعارك ضد ارهابيي داعش وأهمها بيجي وتكريت والفلوجة”.
ويعد السيد جاسم الشهيد الثاني في اسرته حيث استشهد شقيقه السيد مازن‌ شبر خلال عمليات تحرير مدينة تكريت

اترك تعليق

Please enter your comment!
Please enter your name here